"Nadie enseña a nadie, con humildad para aprender, tod@s aprendemos de tod@s"
MOMBE'UPY - LEYENDA: ÑANDEJÁRA GUASU
Ohai: David Galeano Olivera
Leer original (hacer clic) en: http://cafehistoria.ning.com/profiles/blogs/andej-ra-guasu-privev-ipe
Leer también en: http://dgaleanolivera.wordpress.com/nandejara-guasu-pirivevuipe/
Ymáje ojehepyme'ê haĝua yvyra ha ka'a Santani ha Ka'aguasugua, ojererúmi kárreta há mburika ári Altos yvyty rupi, Paraguay peve.
Peteî ára, oĝuahê mburika rysýi peteî oga'i peve. Upépe opytáta hikuái kuimba'ekuéra opytu'u ha oke haĝua. Upémarô mburika rysýi sâmbyhyhára ohechakuaa okañyhague ichuguikuéra peteî mburika, upehaguére he'i peteîme ohomi haĝua oheka. Heta oheka rire, upe kuimba'e, ojuhúsapy'a mburika, ho'uhina kapi'ipe; ha umi mba'e ogueruva'ekue hi'ári ndaje isarambipa oparupirei. Oñepyrûtavo ombyaty umi mba'e, hesahósapy'a peteî mba’e rehe vakapípe oñemboapéva ha ojejokuapáva; upéicharôjepe, ohejánte upépe. Oĝuahêvo oga'ípe, omombe'u sâmbyhyhára ha iñirûnguérape upe ohechava'ekue. Sâmbyhyhára he'i chupe ojevyjey ha ogueru haĝua mba’e ohechava'ekue. Upéicha ojapo ha vokóikema ogueru ondive upe mba'e.
Ojora hikuéi ha ojuhu pype peteî kurusu yvyrágui ijapopyréva, oguerekóva ijehe Hesukirito ra'ânga, ijyva ñemomŷiva. Pya'e herakuâ opa rupi upe ojehuva'ekue, ha maymávante oñeporandu moôguipa oiméne osê térâ mba'eicha haĝuápa ou upepete peve upe ta'ânga.
Heta oî he'íva Hesuitakuéra rembiapoha. Maymávante oipota imba'erâ upe kurusu; umíva apytépe oîva'ekue kuimba'e ojuhuva'ekue, avei mburika rysýi sâmbyhyhára, ha oga'i jára. Upemarô, sâmbyhyhára ojapyhy ta'ânga ha omoî mburika okañyva'ekue ári; he he'i oguerahataha Pirajúpe. Oñepyrûjeýje oguata mburika rysýi, upéicharôjepe upe mburika ogueraháva kurusu ndoguataséi. Upémarô, oñembohasa ambue mburika ári kurusu, ha upeichaiténte oikojey, upépe katu upe mburikáháma ndoguataséi.
Heta ohechakuaa upe jave Ñandejára oipotaha upépente opyta kurusu. Upémarô, sâmbyhyhára oĝuahê peteî ñe'ême iñirûnguéra ndive opyta haĝua hikuái ohasa pyhare upépe. Upe ka'arúpe sâmbyhyhára hasykatúsapy'a, ha ka'arupytûvo omanóma katu. Maymáva he'ijoa ojehejahaĝuántema upépe kurusu, oga'i jára oñangareko haĝua hese. Upépe ha upe guive oñepyrû, aipo Ñandejára Guasu, herakuâ oparupiete.
Ohasáva guive upérupi ohejava'erâ katuete pirapiremi, ha py'évoi oñemopu'âma peteî Tûpao'i, ijatyhápe kuimba'e ha kuña omomorâ haĝua Ñandejára Guasúpe, upe tenda ojeheroraêkuri Capilla Guasu, ha upe rire heñói upégui Táva Pirivevúi jaheróva ko'áĝa.
ooo000ooo
Ñandejára Guasúpe oñemomorâjepi arateî mbohapyha jasyteîme (tercer domingo de enero), tupâo Dulce Nombre de Jesús, Pirivevúipe. Ehecha upéva rehegua ko’ápe (https://www.youtube.com/watch?v=BBs8JG5rqCU)
Bienvenido a
RedDOLAC - Red de Docentes de América Latina y del Caribe -
Anuncie sus Congresos o servicios Educativos en RedDOLAC
ANUNCIOS PARA DOCENTES
ANUNCIOS PARA DOCENTES
Iniciada por José Yorg en Temas Libres. Última respuesta de José Yorg Hace 4 horas . 3 Respuestas 0 Me gustan
Iniciada por Fernando Doménech Betoret en Tecnologías de Información y Comunicación. Última respuesta de Fernando Doménech Betoret el sábado. 1 Responder 0 Me gustan
Iniciada por Fernando Doménech Betoret en Materiales y Recursos Educativos el viernes. 0 Respuestas 0 Me gustan
Iniciada por Yasmani Rafael en Tecnologías de Información y Comunicación. Última respuesta de iris christavel lagunas rios 10 Nov. 2 Respuestas 0 Me gustan
Iniciada por Johon Gutiérrez en Artículos Científicos 24 Oct. 0 Respuestas 2 Me gustan
Iniciada por James David en Tecnologías de Información y Comunicación 23 Oct. 0 Respuestas 0 Me gustan
Iniciada por Silvana Cataldo en Tecnologías de Información y Comunicación 17 Oct. 0 Respuestas 1 Me gusta
Iniciada por Pablo Jose Rodriguez en Tecnologías de Información y Comunicación 11 Oct. 0 Respuestas 0 Me gustan
© 2026 Creado por Henry Chero-Valdivieso.
Tecnología de
¡Necesitas ser un miembro de RedDOLAC - Red de Docentes de América Latina y del Caribe - para añadir comentarios!
Participar en RedDOLAC - Red de Docentes de América Latina y del Caribe -